Ronaldý jańa klýbqa resmı túrde tanystyryldy
ASTANA. QazAqparat - Saýd Arabııasynyń «Ál-Nasr» klýby portýgalııalyq fýtbolshy Krıshtıaný Ronaldýnyń tanystyrylymyn ótkizdi, dep habarlaıdy QazAqparat Sports.kz portalyna silteme jasap.
Tusaýkeser Er-Rııadtaǵy Hanzada Feısal bın Fahd atyndaǵy stadıonda ótti.
Eske sala ketsek, 37 jastaǵy Krıshtıaný Ronaldý «Al-Nasr» klýbymen eki jyldyq kelisimshartqa otyrǵan.
«Al-Nasrmen» kelisim-shartqa sáıkes, Ronaldý jylyna 200 mln eýro tabys taýyp, fýtbol tarıhyndaǵy eń kóp jalaqy alatyn oıynshy bolady.
Jaqynda Katarda ótken 2022 jylǵy álem chempıonatynda Ronaldý sátsiz óner kórsetken: ol bes matchta bir ǵana gol soǵyp, eki oıyndy oryndyqta otyryp bastady. Portýgalııa quramasynyń týrnırdegi ónerine kelsek, shırek fınalda ol Marokko quramasynan 0:1 esebimen utylyp qaldy.
Foto: twitter.com/AlNassrFC_EN
