Ronaldý syrqat balany qoldaý úshin jańa shash úlgisin jasatty
ASTANA. QazAqparat - Portýgalııa fýtbol komandasynyń shabýylshysy Krıshtıaný Ronaldý qaýipti dertke shaldyqqan balany qoldaý maqsatynda, óziniń shash qoıý úlgisin ózgertti. Bul týraly Daily Mail habarlaıdy.
Álem chempıonatynyń toptyq kezeńinde AQSh quramasyna qarsy oıynda (2:2) fýtbolshy jańasha úlgidegi shash úlgisimen alańǵa shyqty. Ol ıspandyq balaqaı Erık Krýstyń basyna jasalǵan operatsııadan keıin paıda bolǵan tyrtyqqa uqsatyp, ırek syzyqty shash qoıý úlgisin jasatqan. Munyń aldynda portýgaldyq aıaq dop sheberi operatsııa úshin 50 myń fýnt sterlıng tólegen bolatyn. Aıta keteıik, Brazılııada ótip jatqan álem chempıonatynda Portýgalııa quramasy sátsiz óner kórsetýde. Sońǵy ótkizgen eki kezdesýi boıynsha olar bar-joǵy bir ǵana upaımen «G» tobynda sońǵy orynǵa jaıǵasty.
