Ronaldý Saýd Arabııasynda qalýǵa nıetti ekenin málimdedi
ASTANA. KAZINFORM – Portýgalııa quramasynyń jáne saýdııalyq «Ál-Nasr» klýbynyń shabýylshysy Krıshtıaný Ronaldý Saýd Arabııasynan ketýge nıeti joq ekenin aıtty, dep habarlaıdy Kazinform Anadolu agenttigine silteme jasap.
– Saýd Arabııasynyń birinshiliginde oınaı beremin. Bul el meni, meniń otbasymdy jáne dostarymdy qushaq jaıa qarsy aldy. Men osynda jáne qazirgi klýbymnyń sapynda ózimdi baqytty sezinemin, - dedi fýtbolshy Saýd Arabııasynyń Thmanyah telearnasyna bergen suhbatynda.
Álemdik fýtbol juldyzy buǵan deıin boıkotqa baılanysty qatarynan eki oıynǵa qatyspaǵan bolatyn. Boıkot Saýd Arabııasynyń ulttyq ál-aýqat qoryna narazylyqtan týyndady. 41 jastaǵy Ronaldýdyń aıtýynsha, olar «Ál-Hılıaldy» qoldap, «Ál-Nasrǵa» az qarjy bóledi.
«Ál-Nasr» Saýd Arabııasy Pro-Lıgasynyń kestesinde 55 upaımen kósh basyna shyǵyp, «Ál-Hılıaldan» bir upaıǵa uzady.
Eske sala keteıik, buǵan deıin Portýgalııada vandal Krıshtıaný Ronaldýdyń músinin órtep jibergenin jazǵan edik.
