Ronaldý resmı matchtarda 900 gol soqqan alǵashqy oıynshy atandy
ASTANA. KAZINFORM – Portýgalııalyq shabýylshy Krıshtıaný Ronaldý mansabyndaǵy 900-shi golyn soqty. 39 jastaǵy oıynshy Ulttar lıgasynyń birinshi týrynda Horvatııa qaqpasyn dál kózdedi.
Shabýylshy 34-mınýtta gol soǵyp, esepti 2:0-ge jetkizip, ulttyq quramanyń jeńisine úles qosty. Bul gol Ronaldýdyń mansabyndaǵy 900-shi goly boldy.
Osylaısha, Krıshtıaný fýtbol tarıhyndaǵy resmı matchtarda 900 gol soqqan alǵashqy oıynshy boldy. Ol úshin Ronaldý 1237 oıynǵa qatysty. Ronaldý ulttyq qurama sapynda 213 matchta 131 gol soqqan.
Aıta keteıik, fýtboldan Ulttar lıgasynda búgin Qazaqstan quramasy alǵashqy oıynynda Norvegııamen kezdesedi.
Osyǵan deıin Krıshtıaný Ronaldýdyń YouTube-kanaly alǵashqy mıllıon jazylýshy jınaý jóninen álemdik rekord ornatqanyn jazdyq.
