Ronaldý óziniń agentine úılený toıyna grek aralyn syıǵa tartty
ASTANA. QazAqparat - «Real Madrıd» fýtbol klýbynyń juldyzy jáne mýltımıllıoner Krıshtıaný Ronaldý óziniń agenti Jorje Mendeske úılený toıyna grek aralyn syıǵa tartty, dep habarlady Bı-bı-sı.
Araldyń ataýy aıtylmaǵan, alaıda onyń quny mıllıon dollarǵa jetip jyǵylady.
Ispandyq Mundo Deportivo saıty Ronaldýdyń buryn Mıkonosede demalǵanyn habarlady jáne ol grek araldaryn jaqsy biledi.
Mendes ótken jeksenbi kúni Portýgalııadaǵy óziniń súıiktisi Sandrege úılendi. Ataqty qonaqtardyń arasynda shotlandtyq fýtbol jattyqtyrýshysy Aleks Fergıýson da bolǵan.
«Manchester ıÝnaıtedtiń» burynǵy jattyqtyrýshysy 2003 jyly Ronaldýdy óz komandasyna alǵan bolatyn. Álemniń eń úzdik fýtbolshysy onda 2009 jylǵa deıin oınady. Ronaldý úzdik fýtbolshyǵa úsh jylda bir ret tapsyrylatyn FIFA-nyń Altyn dobyna ıe boldy.
49 jastaǵy Jorje Mendes - álemdegi eń tabysty fýtbol agentteriniń biri, ol fýtbolshylarǵa agenttik qyzmet kórsetetin Gestifute kompanııasynyń qojaıyny.
Saýdaǵa keminde on grek araly shyǵarylǵan. Solardyń biri úsh mıllıonǵa eýroǵa satylmaq.
