Ronaldý, Messı jáne Noıer «Altyn dopqa» úmitkerler úshtigine endi
ASTANA. QazAqparat - Madrıdtik «Real» fýtbol komandasynyń shabýylshysy Krıshtıaný Ronaldý, katalondyq «Barselonanyń» forvardy, argentıkalyq Lıonel Messı jáne mıýnhendik «Bavarııanyń» qaqpashysy, nemis Manýel Noıer 2014 jyldyń úzdik fýtbolshysyn anyqtaý boıynsha daýys berýde úshtikke endi. Bul týraly ıspandyq La Voz De Galicia gazeti habarlaıdy.
«Altyn dop» ıegeriniń esimi 12 qańtarda Tsıýrıhte ótetin FIFA-nyń jyl qorytyndylaryna arnalǵan saltanatty keshinde belgili bolady. Ony FIFA-nyń quramyna kiretin barlyq elderdiń bas bapkerleri men qurama kapıtandary qatysatyn daýys berý qorytyndylary boıynsha anyqtaıdy.
Júldege úmitker úsh adamnyń esimi resmı túrde dúısenbi kúni keshke jarııalandy.
