Ronaldý, Messı men Rıberı «Altyn dopqa» úmitkerler úshtigine endi
ASTANA. 10 jeltoqsan. QazAqparat - Jyldyń úzdik fýtbolshysyna beriletin «Altyn dopqa» úmitkerlerdiń tizimine engen úsh adamnyń esimi belgili boldy.
Qazan aıynyń sońynda FIFA osy júldege úmitker 23 fýtbolshynyń tizimimen tanystyrdy. Bul tizimnen saýalnama barysynda kóbirek daýys jınaǵan oıynshylardyń úshtigi tańdaldy.
AFP habarlaǵandaı, 2013 jyldyń úzdik fýtbolshysy ataǵy úshin Madrıdtiń «Real» komandasynyń jartylaı qorǵaýshysy Krıshtıaný Ronaldý, «Barselonanyń» forvardy Lıonel Messı men «Bavarııanyń» havbegi Frank Rıberı baq talastyrady.
«Altyn doptyń» ıegeriniń esimi ulttyq quramalardyń kapıtandary men jattyqtyrýshylary arasyndaǵy daýys berýden keıingi qorytyndy boıynsha 13 qańtar kúni FIFA-nyń baspasóz ókilderine arnaǵan Tsıýrıhtegi saltanatty shara barysynda jarııalanady. Sońǵy tórt júldeni qatarynan Messı ıelengen bolatyn. Qosa keteıik, úzdik jattyqtyrýshy júldesine dortmýndtik «Borýssııanyń» bapkeri ıÝrgen Klopp pen «Bavarııanyń» burynǵy jattyqtyrýshysy ıÝpp Haınkes pen «Manchester ıÝnaıtedtiń» burynǵy bas jattyqtyrýshysy ser Aleks Fergıýson baq talastyrady.
