Ronaldý men «Realdyń» bas bapkeri arasynda kelispeýshilik bar ma?
ASTANA. QazAqparat - Ronaldýmen aramyzda eshbir túıtkil joq. Taıaýda Rafael Benıtes fýtbolshy Krıshtıaný Ronaldýmen qarym-qatynasy týraly osylaı dedi.
Ispanııadaǵy AS atty bedeldi sport basylymyna bergen suhbatynda Benıtes bylaı dep málimdegen: «Barlyǵymyz jınalyp, jiberilgen qatelikterimizdi ortaǵa salyp saraladyq. Menińshe, barlyǵy jaqsy bolady. Bizdiń komandamyz aýyzbirshiligin saqtaıdy. Al Krıshtıaný Ronaldý - «Real» úshin negizgi, oıyny órnekti fýtbolshy. Jáne ol ekeýimizdiń aramyzda eshbir túıtkil joq».
Esterińizge sala ketsek, osyǵan deıin túrli BAQ portýgalııalyq fýtbolshynyń bas bapkerdiń jumystan ketýin talap etkeni týraly jazǵan edi, dep jazady 24.kz .
