Ronaldý men Messı fýtboldan álem chempıonatyna besinshi márte qatyspaq

ASTANA. QazAqparat - Álem fýtbolynyń juldyzdary Lıonel Messı men Krıshtıaný Ronaldý fýtboldan álem chempıonaty fınaldyq satysyna besinshi márte qatysady, dep habarlaıdy QazAqparat tilshisi.

Lıonel Messı 2006, 2010, 2014, 2018 jyldardaǵy álem chempıonattarynda baq synady. Dúbirli dodanyń fınaldyq satysynda 19 oıynda qarsylastar qaqpasyna 6 gol soqty.

Al Krıshtıaný Ronaldý 2006 jyldan beri álem chempıonaty fınaldyq satysynda ulttyq qurama sapynda 17 kezdesýde 7 márte mergendik tanytty.

Sondaı-aq, osyndaı mártebege meksıkalyq Andres Gýardado jáne Gılermo Ochoa ıe bolyp otyr.

Burynǵy jyldary mundaı jetistikti meksıkalyq Antonıo Karbahal (1950-1966) men Rafael Markes (2002-2018), germanııalyq Lotar Matteýs (1982-1998) qol jetkizgen edi. Al Italııa quramasynyń qaqpashysy Djanlýıdjı Býffon bes týrnırge qatysqanymen, onyń tórteýinde ǵana jasyl alańǵy shyqty.

Eske salsaq, budan buryn fýtboldan álem chempıonatyna qaı komanda kóp oıynshy jibergeni habarlandy.

Foto: gettyimages.com