Ronaldý men Djordjına neke kelisimshartyna qol qoıdy

ASTANA. KAZINFORM — Álem fýtbolynyń juldyzy Krıshtıaný Ronaldý 10 jyldyq qarym-qatynastan keıin súıiktisi Djordjına Rodrıgespen neke kelisimshartyna qol qoıdy, dep habarlaıdy Marca basylymy.

Eger jup ajyrasatyn bolsa, Ronaldýdyń mindettemeleri júzdegen mıllıon dollardy quraýy múmkin. Qujat aı saıynǵy tólemderdi ǵana emes, sonymen qatar úlken birjolǵy tólem men bonýstardy da qarastyrady.

Sharttyń negizgi baptary:

Djordjınaǵa aı saıynǵy tólem – 114 myń dollar;

Quny 5,6 mıllıon dollarǵa deıingi jyljymaıtyn múlikti ıelený quqyǵy;

Ajyrasý kezindegi zeınetaqy – aıyna 110 myń dollar;

Balany qoldaý - aıyna 500 myń dollar;

Qosymsha bonýstar - jylyna 2 mıllıon dollar, eki lıýks avtokólik jáne avıareısterde ushý;

Ajyrasqan jaǵdaıda birjolǵy tólem retinde 50 mıllıon dollar beriledi.

Forbes málimeti boıynsha, Krıshtıanýdyń baılyǵy 671 mıllıon dollarǵa baǵalanady. Osyndaı aýqymdy kelisimge qol qoıý arqyly fýtbolshy óz aktıvterin qorǵaýǵa jáne sonymen birge ajyrasý oryn alǵan jaǵdaıda Djordjına men onyń balalaryna joǵary ómir súrý deńgeıine kepildik berýge tyrysty.

Qazir «Al Nasr» sapynda óner kórsetetin Ronaldý saýdııalyq klýbtan jylyna 200 mıllıon eýrodan astam jalaqy alady.

Eske sala keteıik, Krıshtıaný Ronaldý balalarynyń anasyna úılený týraly usynys jasaǵany jaıly jazǵan edik.