Ronaldý qatarynan ekinshi ret Eýropanyń úzdik sportshysy atandy
ASTANA. QazAqparat - «Real Madrıd» klýby men Portýgalııa quramasynyń shabýylshysy Krıshtıaný Ronaldý 2017 jyldyń qorytyndylary boıynsha qatarynan ekinshi ret Eýropanyń úzdik sportshysy atandy, dep habarlaıdy madrıdtik klýbtyń resmı saıty .
Bir aıdan soń 33 jasqa tolatyn shabýylshy 26 halyqaralyq aqparat agenttiginiń arasynda júrgizilgen saýalnama nátıjelerine oraı birinshi oryndy ıelendi. Fýtbolshy osy ataqqa talasqan Formýla-1 sheberi Lıýıs Hemılton, tennısshiler Rodjer Federer jáne Rafael Nadaldy artqa tastady.
Eýropanyń úzdik sportshysyn anyqtaý bastamasyn alǵash ret 1958 jyly Polshanyń RAR aqparat agenttigi kótergen bolatyn, sodan beri atalym jyl saıyn kári qurlyq sportshylary arasynda júrgiziledi.
