Ronaldý kásipqoı matchtar sany boıynsha álemdik rekord ornatty

ASTANA. KAZINFORM – Portýgalııa quramasynyń jáne «Ál-Nasr» klýbynyń shabýylshysy Krıshtıaný Ronaldý kásipqoı matchtar sany boıynsha absolıýtti álemdik rekord ornatty.

12 maýsymǵa qaraǵan túni Portýgalııa men Irlandııa quramalary arasynda joldastyq kezdesý ótip, bul kezdesýde 39 jastaǵy Ronaldý dýbl avtory atandy.

Halyqaralyq fýtbol tarıhy jáne statıstıkasy federatsııasynyń (IFFHS) málimetinshe, bul match shabýylshynyń kásipqoı fýtboldaǵy 1226-shy oıyny boldy. Bul kórsetkish boıynsha ol 1225 oıyn ótkizgen Brazılııa quramasynyń burynǵy qaqpashysy Rodjerıo Senıdi basyp ozdy.

Jalpy, Ronaldý ulttyq chempıonattarda 698 matchqa qatysqan. Portýgalııalyq oıynshy kýbok týrnırleri men sýperkýboktarda 101 oıyn ótkizdi. Krıshtıaný halyqaralyq klýbtyq jarystarda 220, Portýgalııa quramasynda 207 kezdesý ótkizgen.