Ronaldý FIFA-nyń marapattarynan bas tartýy múmkin
ASTANA. 1 qarasha. QazAqparat - «Real» fýtbol klýbynyń jartylaı qorǵaýshysy Krıshtıaný Ronaldý aldaǵy ýaqytta bolatyn FIFA uıymdastyratyn ár túrli marapattaýlar men saltanatty keshterge qatysýdan bas tartýy múmkin.
Oıynnan ot shyǵady demekshi, FIFA prezıdenti Iozef Blatter men Ronaldý arasyndaǵy kıkiljińderdiń arty osyndaı boldy. Ronaldý men Messıdi buǵan deıin de talaı adamdar salystyrǵan, biraq Blatter myrzanyń aşy sózi men mazaǵy Ronaldýnyń shamyna tıip ketse kerek. Onymen qoımaı FIFA basshysy ájýaly sózin qımylmen árleı túsken kórinedi.
Madrıd komandasy Blatterden bul pantomımosynyń mánin túsindirýdi talap etti. Al Ronaldý óziniń feısbýgtegi paraqshasynda bul málimdemege jaýap retinde FIFA-nyń qartaıyp qalǵan basshysyna densaýlyq pen uzaq ǵumyr tiledi. Blatter keshirim suraǵanymen, Ronaldý alda kele jatqan «Altyn doptyń» marapattaý rásimine qatyspaýy múmkin. Fýtbolshy ózin-ózi tizimnen syzyp otyr.
