Ronaldý Eýropanyń eń úzdik fýtbolshysy atandy
ASTANA. QazAqparat - Portýgalııa ulttyq quramasy men madrıdtik "Realdyń" shabýylshysy Krıshtıaný Ronaldý 2016/2017 jylǵy fýtbol maýsymynyń úzdik oıynshysy atandy, dep jazady Massaget.
Fýtbolshy Monakoda ótken Chempıondar lıgasynyń jerebe tastaý keshinde marapattaldy.
Krıshtıaný Ronaldý ótken maýsymdy sátti ótkizdi. Chempıondar lıgasyn ekinshi jyl qatarynan jeńip aldy. Sondaı-aq Ispanııa Prımerasynda komandasyn alǵa súıredi. Shabýylshy Eýropanyń úzdik oıynshysy atanyp qana qoımaı, úzdik shabýylshy ataǵyn da ıelendi.
Ótken maýsymnyń úzdik qaqpashysy ataǵyna Djanlýıdjı Býffon, úzdik qorǵaýshy marapatyna Serhıo Ramos ıe boldy. Úzdik jartylaı qorǵaýshy bolyp Lýka Modrıch tanyldy.
Qyzdar arasyndaǵy úzdik oıynshy marapatyna Lık Martens ıe boldy. Úzdikter Chempıondar lıgasyna qatysýshy komandalardyń jattyqtyrýshylary men ÝEFA quramyna enetin 52 tilshiniń daýys berýi boıynsha anyqtalǵan.
