Ronaldý ekinshi jyl qatarynan FIFA-nyń úzdik fýtbolshy atandy
ASTANA. QazAqparat - Halyqaralyq fýtbol federatsııasy (FIFA) Londonda jyldyń úzdik fýtbolshylaryn marapattady, dep habarlaıdy football.ua.
Erler arasynda "The Best" syılyǵyna Lıonel Messı (Barselona) men Neımardy (PSJ) basyp ozyp, Krıshtıaný Ronaldý ıe boldy. Portýgalııa ulttyq quramasy men madrıdtik "Realdyń" úzdik surmergeni ekinshi jyl qatarynan bul ataqqa qol jetkizip otyr.
"France Football" jýrnaly 2016 jyldan bastap Halyqaralyq fýtbol federatsııasymen (FIFA) kelisimin úzgen bolatyn. Sodan keıin basylym "Altyn dop" ıegerin ózderi anyqtasa, FIFA "The best" syılyǵyn tabystaýdy qolǵa alǵan edi.
Aıta keteıik, Krıshtıaný Ronaldý 2017 jyly "Real" sapynda Chempıondar lıgasy men Ispanııa chempıonatynda top jardy. Portýgalııa ulttyq quramasynyń álem chempıonatyna shyǵýyna birden-bir sebepker boldy.
Odan bólek, áıelder arasynda "The Best" syılyǵyna Lıke Martens ıe boldy. Al Zınnedın Zıdan jyldyń úzdik jattyqtyrýshysy atandy.
