Ronaldý Chempıondar lıgasynda rekord jańartty
ASTANA. QazAqparat - Madrıdtik "Realdyń" portýgaldyq shabýylshysy Krıshtıaný Ronaldý Chempıondar lıgasyndaǵy nátıjeli pastarynyń kórsetkishi boıynsha rekord jańartty, dep jazady massaget.kz.
Ol túnde ótken "Napolıge" qarsy oıynda óziniń 31-shi nátıjeli pasyn berdi. Krıshtaný Ronaldý ıtalııalyq klýbqa qarsy oıynda gol soqpaǵanmen, soqqy baǵyttaý boıynsha da úzdik nátıje kórsetti. Al Tonı Krossqa bergen pasy nátıjeli shyqty. Qorytyndysynda 30 nátıjeli paspen rekord ıegeri bolyp turǵan Raıan Gıggzdi basyp ozdy.
Nátıjeli pas boıynsha úzdik 5 fýtbolshy:
1. Krıshtıaný Ronaldý (31)
2. Raıan Gıggz (30)
3. Lıonel Messı (24)
4-5. Mesýt Ozıl (22)
4-5. Zlatan Ibragımovıch (22)
Aıta keteıik, túnde ótken oıynda "Real" neapoldyq klýbty 3:1 esebimen utqan bolatyn. Qos komanda arasyndaǵy qarymta 7 naýryz kúni túnde ótedi.
