Ronaldý bir matchta úsh rekord ornatty
NUR-SULTAN. QazAqparat – Portýgalııa quramasynyń shabýylshysy Krıshtıaný Ronaldý halyqaralyq matchtarda gol salý sany boıynsha rekord ornatty, delingen Twitter-degi «Manchester ıÝnaıted» paraqshasynda.
Forvard 3:0 esebimen portýgaldyqtar jeńgen Katar komandasyna qarsy joldastyq matchta erekshe kózge tústi. Bul qurama fýtbolshynyń gol salǵan 46-shy quramasy.
Sondaı-aq, shabýylshy quramadaǵy gol sany boıynsha óziniń álemdik rekordyn jańartty. Endi onyń aktıvinde 181 matchtan 112 gol bar.
Ronaldý Portýgalııa quramasy quramynda 2016 jyly Eýropa chempıony boldy, Eýro-2004-te kúmis jáne 2012 jyly qurlyqtyq birinshilikte qola aldy. Sondaı-aq, 2019 jyly ÝEFA Ulttar lıgasynda jeńimpaz atandy.
Aıta ketsek, Krıshtıaný Ronaldý «Manchester ıÝnaıted» fýtbol klýbynda 2003-2009 jyldary óner kórsetti. Sol jyldar aralyǵynda ol 292 match ótkizip, 118 gol soqty. Ronaldý múshe bolǵan sátte MıÝ quramasy 3 ret (2007, 2008, 2009) Anglııa chempıonatynda jeńiske jetti. Odan bólek, 2008 atalǵan klýb Lıgalyq chempıonattyń jeńimpazy atandy.
