Ronaldý álemdegi kirisi eń kóp fýtbolshy atandy
ASTANA. QazAqparat - Portýgalııa quramasy men Ispanııanyń «Real» fýtbol klýbynda óner kórsetetin Krıshtıaný Ronaldý bıylǵy jyldyń eń joǵary jalaqy alatyn fýtbolshysy retinde tireldi. Bul týraly TASS France Football jýrnalyna silteme jasap habarlaıdy.
Jýrnaldyń reıtıngi jalaqy men syıaqynyń sondaı-aq jarnamadan keletin kiristerdi negizinde jasalǵan. 32 jasar portýgaldyq bir maýsym ishinde €87,5 mln tapqan. Ekinshi orynda «Barselona» komandasynyń forvardy Lıonel Messı (76,5), úshinshi orynda osy komandanyń múshesi brazılııalyq Neımar (55,5) tur.
Eń joǵary jalaqy alatyn bapkerlerdiń kóshin aǵylshyndardyń «Manchester ıÝnaıted» klýbyn basqaratyn Joze Moýrınıý bastap tur. Ol bir maýsymda €28 mln paıda tapqan. Ekinshi orynǵa Qytaı quramasynyń bas bapkeri Marchello Lıppı (23,5), úshinshi orynǵa frantsııalyq PSJ -nyń burynǵy bapkeri Loran Blan (20) turaqtaǵan.
