Ronaldý «Ál-Nasr» komandasymen kelisimshart merzimin uzartty

ASTANA. KAZINFORM – «Altyn doptyń» bes dúrkin ıegeri, tanymal portýgalııalyq fýtbolshy Krıshtıaný Ronaldý «Ál-Nasr» komandasynda taǵy 2 jyl dop tebedi. Bul týraly klýbtyń resmı saıty habarlady.

Championat.com sport portalynyń málimetinshe, qos tarap 2027 jylǵa deıin jaramdy jańa kelisimshartqa qol qoıǵan. 

Bir qyzyǵy, «Ál-Nasr» ótken maýsymda birde-bir júlde utqan joq. Saýd Arabııasy chempıonatynda komanda 70 upaı jınap, týrnırlik kestede úshinshi orynǵa taban tiredi.

Krıshtıaný Ronaldý saýdııalyq klýb jeıdesimen 2023 jyldyń qańtarynan beri óner kórsetip júr. Ótken maýsymda portýgalııalyq surmergen atalǵan klýb sapynda barlyq jarysta 35 gol soǵyp, 4 nátıjeli pasymen kózge tústi.

25 maýsymda osy klýbty jattyqtyrǵan ıtalııalyq maman Stefano Pıolı bas bapker qyzmetinen ketken bolatyn. Qazirgi kezde «Ál-Nasr» basshylyǵy jańa jattyqtyrýshy izdeýge kiristi. 

Eske sala keteıik, buǵan deıin Krıshtıaný Ronaldýdyń ulttyq qurama sapynda taǵy bir rekord ornatqanyn jazǵan edik.