Ronaldý «Al-Nasr» klýbymen uzaq merzimdi kelisimshart jasady

ASTANA. QazAqparat – Portýgalııa shabýylshysy Krıshtıaný Ronaldý Saýd Arabııasynyń «Al-Nasr» klýbymen uzaq merzimdi kelisimshartqa qol qoıdy, dep habarlaıdy QazAqparat tilshisi.

Marca basylymynan málim etkenindeı, taraptar ózara kelisken, taıaý ýaqytta bul týraly resmı túrde jarııa etpekshi.

«Krıshtıaný Ronaldý «Al-Nasr» klýbymen 2030 jylǵa deıingi kelisimshartqa qol qoıdy. Eki jyl jarym ýaqyt boıy Ronaldý oıynshy esebinde bolmaq. Qalǵan merzimde 2030 jylǵy fýtboldan álem chempıonatyn ótkizýge Saýd Arabııasy, Mysyr jáne Grekııanyń ótinim elshisi retinde qyzmet etpek», dep jazady basylym.

Portýgalııalyq juldyz kelgennen keıin «Al-Nasr» klýby birqatar oıynshynyń qyzmetinen bas tartpaq. Bul argentınalyq jartylaı qorǵaýshy Gonsalo Martınes pen ózbekstandyq shabýylshy Jalolıddın Masharıpovke qatysty.

Aldyn ala málimet boıynsha Ronaldý 2,5 jyl jarym ýaqyt boıy oıynshy retinde maýsym saıyn 200 mln-daı eýro alady. Álem chempıonatyn ótkizýge elshi qyzmetine kiriskennen keıin bul qarjy eselene túspek.

Osylaısha, 37 jastaǵy oıynshy jeti jyldyq yntymaqtastyq kezinde mıllıard eýrodan astam tabys tappaqshy.

Eske sala keteıik, budan buryn Messıdiń álem chempıonatynda qaqpaǵa eń kóp soqqy jasaǵan oıynshy atanǵanyn jazǵan bolatynbyz.

Sondaı-aq Qazaqstan ulttyq quramasynyń FIFA reıtıngisindegi orny anyqtaldy.

Foto: CLAUDIO VILLA/GETTY IMAGES