Ronaldo Klozeni álem chempıonattaryndaǵy 15-shi golymen quttyqtady
ASTANA. QazAqparat - Brazılııanyń tanymal fýtbolshysy Ronaldo Germanııa quramasynyń shabýylshysy Mıroslav Klozeni Gana qaqpasyna soqqan golymen quttyqtady. Aıta keteıik, Klozeniń atalǵan goly álem chempıonattaryndaǵy 15-shi bolyp tabylady. Endi ol Ronaldomen birge álem birinshilikteriniń eń úzdik bombardıri ataǵyn bólisýde.
"Klýbqa qosh keldiń, Kloze", - dep jazady Ronaldo nemis tilinde óziniń týıtterdegi paraqshasynda.
"Seniń boıyńdy qandaı qýanysh kernep turǵanyn sezemin, Kloze. Qandaı keremet chempıonat!" - dedi ol týǵan tilinde.
Eske sala keteıik, bunyń aldynda álem birinshilikterinde 15 gol soqqan brazılııalyq shabýylshy Ronaldý álemdik rekordtyń jalǵyz ıesi bolatyn. Mine, endi oǵan Kloze de qosylyp otyr.
