Ronaldıno 11 jyldan keıin alańǵa oraldy: 46 jastaǵy ańyzdyń alǵashqy matchy qalaı ótti
ASTANA. KAZINFORM — Brazılııalyq fýtbol ańyzy Ronaldıno 11 jyldyq úzilisten keıin resmı matchqa qatysyp, ıtalııalyq «Ravenna» sapynda debıýt jasady. 46 jastaǵy fýtbolshy alańda 45 mınýt ótkizip, komandasynyń 2:0 esebimen jeńiske jetýine qatysty. Bul týraly informsports.kz jazdy.
Italııanyń S serııasynyń 14-týry aıasynda ótken «Ravenna» men «Forlı» arasyndaǵy kezdesý alań ıeleriniń jeńisimen (2:0) aıaqtaldy. Brazılııalyq jartylaı qorǵaýshy negizgi quramda alańǵa shyǵyp, birinshi taımdy tolyq ótkizdi.
Bedeldi Sofascore statıstıkalyq portaly ańyz fýtbolshynyń oıynyn 7,0 upaıǵa baǵalady. 45 mınýt ishinde Ronaldıno dopqa 28 ret janasyp, 21 pastyń 17-sin dál berdi (81% dáldik).
2002 jylǵy álem chempıony jáne 2005 jylǵy «Altyn dop» ıegeri buǵan deıin «Gremıo», «PSJ», «Barselona», «Mılan», «Flamengo», «Atletıko Mıneıro», «Keretaro» jáne «Flýmınense» klýbtarynda dop tepken.
Eske salsaq, osyǵan deıin 46 jastaǵy Ronaldınonyń 11 jyldyq úzilisten keıin fýtbolǵa qaıta oralǵanyn habarlaǵanbyz.