Ronaldınonyń «egizi» Messıdi aldap soqty
ASTANA. QazAqparat - Brazılııadaǵy fýtboldan álem chempıonaty túrli oqıǵalarmen este qalatyn boldy. Sol bir qyzyqty sátterdiń biri Argentına quramasynyń jattyǵýy barysynda oryn aldy.
Lıonel Messı qurama sapynda jattyǵyp jatqan kezde top jankúıer kúzetten sytylyp ótip fýtbol juldyzyna qaraı júgire jónelgen. Kúzettiń qarsylyǵyna qaramastan, jankúıerlerdiń eń tabandylary Messıge jetti. Solardyń arasynan Ronaldınony kórgende argentınalyq shabýylshy abdyrap turyp qaldy.
"Sen nege bizdiń jattyǵýǵa keldiń? Meni kórý úshin be?", - dedi Messı tańqalyp. Brazılııalyq áriptesi oǵan qol sozǵanda ol tańdanysyn jasyra almaı onymen qol alysyp ta úlgergen. Shyn máninde ol Ronaldıno emes, jaı ǵana oǵan uqsaıtyn qarapaıym brazılııalyq azamat bolyp shyqty. Robınson Olıveıra - ataqty fýtbolshy Ronaldınony jarnamalarda, fılmderde somdap júrgen akter. "Ol maǵan qol sozǵanda, men tizerlep otyryp qalyppyn. Bul sondaı keremet sát", - deıdi Olıveıra. Qyljaqbas qaqpadan sekiremin dep qolyn jaralap alypty, biraq onyń sózine qaraǵanda, bul soǵan turarlyq is boldy.
