Ronaldıno jalǵan tólqujatpen ustaldy
RIO-DE-JANEIRO. QazAqparat - Brazılııa quramasynyń burynǵy oıynshysy Ronaldıno (shyn esimi Ronaldo de Assıs Morreıra) Paragvaı aýmaǵyna kirý úshin jalǵan tólqujatty paıdalandy degen kúdikpen ustaldy. Bul týraly sársenbi kúni ABC Color gazeti habarlady.
Sársenbi kúni keshke sportshy ornalasqan qonaqúı bólmesinde tintý júrgizilip, onyń barysynda quqyq qorǵaýshylar Ronaldıno jáne onyń aǵasy Robertonyń atyna jazylǵan jalǵan tólqujattardy anyqtady. Basylymnyń jazýynsha, ekeýin de qonaqúıde polıtsııa kúzetip otyr, al olar beısenbi kúni tańerteń prokýratýraǵa túsinikteme berýge barýy tıis.
Buǵan deıin óz otanynda Ronaldıno salyq tólemegeni úshin shetel tólqujatynan aıyrylǵan edi. Budan basqa fýtbolshyǵa óziniń otbasy turyp jatqan úıdiń janynda pırs salyp, tabıǵatty qorǵaý zańnamasyn buzǵany úshin 8,5 mln real (2,2 mln astam dollar) kóleminde aıyppul salynǵan.
