Ronaldıno túrmeden shyǵyp, úıqamaqqa alyndy
Aty ańyzǵa aınalǵan brazılııalyq fýtbolshy Ronaldıno 32 kúnnen soń Asýnsondegi (Paragvaı) túrmeden bosatyldy. Eks-fýtbolshymen birge onyń baýyry da bostandyqqa shyqty, dep habarlaıdy QazAqparat AS saıtyna silteme jasap.
Tutqyndalǵandar úshin 1,6 mıllıon dollar (árqaısysyna 800 myń dollardan) kóleminde kepilpul tólengen. Ronaldıno men onyń baýyry qaladan shyqpaýǵa jáne polıtseılerdiń baqylaýynda qonaqúıde turýǵa mindetti.
Aıta ketsek, 4 naýryz kúni fýtbolshy men onyń baýyry jalǵan qujatpen Paragvaıǵa ushyp ketpekshi bolǵan. Quqyq buzýshylar áýejaıda tutqyndalyp, 6 aıǵa qamaýǵa alyndy.
