Ronaldıno Paragvaıda jalǵan tólqujatty qoldanǵany úshin túrmege qamaldy
RIO-DE-JANEIRO. QazAqparat – Juma kúni Paragvaıdyń quqyq qorǵaý organdary Brazılııa quramasynyń burynǵy oıynshysy Ronaldınony respýblıka aýmaǵyna kirý úshin jalǵan qujattarmen júrgeni týraly isti tergeý aıasynda ákimshilik qamaýǵa aldy. Bul týraly ABC Color gazeti habarlady.
Basylymnyń jazýynsha, Ronaldıno óziniń aǵasy jáne agenti Robertomen birge Paragvaı ulttyq polıtsııasynyń qabyldaý bóliminde. Prokýratýranyń talaby boıynsha olardy qonaqúıden jetkizgen.
Eske sala keteıik, sársenbi kúni keshke sportshy ornalasqan qonaqúı bólmesinde tintý júrgizilip, onyń barysynda quqyq qorǵaýshylar Ronaldıno jáne onyń aǵasy Robertonyń atyna jazylǵan jalǵan tólqujattardy anyqtaǵan. Ekeýi de ustalǵan bolatyn.
