Ronaldıno: Neımar álemniń úzdik fýtbolshysy bolady
ASTANA. QazAqparat - Brazılııa quramasy men «PSJ», «Barselona» jáne «Mılan» klýbtarynyń burynǵy oıynshysy Ronaldıno osy jyly «Altyn dopqa» kim talasatynyn jáne Neımardyń bolashaǵyy jaıly pikirimen bólisti, dep habarlaıdy prosports.kz saıty.
«Altyn dop» úshin talas Krıshtıaný Ronaldý men Lıonel Messıdiń arasynda ótedi. Álemde myqty oıynshylar óte kóp, biraq dál qazirgi sátte bul ekeýine jetetin fýtbolshy joq. Úzdik úshtikti Neımar túıindeıdi dep oılaımyn. Ol qazir naǵyz babynda. Bul tizimge ilinýge barlyq múmkindigi bar. Ronaldý men Messıdiń dáýreni ótken soń Neımar álemniń úzdik fýtbolshysyna aınalady degen úmittemin», - deıdi Ronaldıno FIFA baspasóz qyzmetine bergen suhbatynda .
