Ronaldıno meksıkalyq «Keretaro» klýbymen kelisimshartqa qol qoıdy
ASTANA. QazAqparat - Ataqty brazılııalyq fýtbolshy Ronaldıno eldiń joǵary dıvızıonynda oınaıtyn meksıkalyq "Keretaro" klýbymen eki jyldyq kelisimshartqa qol qoıdy.
Bul týraly brıtandyq BAQ habarlady.
Ronaldınonyń munyń aldynda brazılııalyq "Atletıko Mıneıro" klýbynda bolǵan. 2012 jyldan bastap 2014 jyldar aralyǵyndaǵy kezeńde jartylaı qorǵaýshy alańǵa 48 ret shyǵyp, 16 gol saldy.
«Biz halyqaralyq arenada ózin kórsete bilgen oıynshy qatarymyzǵa kelip qosylǵanyna qýanyshtymyz. Ronaldıno - álem chempıony, eki ret álemniń úzdik oıynshysy atandy. Onyń bilimi men tájirıbesi keleshekte bizdiń komandany nyǵaıta túspek», - delingen klýb habarlamasynda.
Fýtbolshy ıspandyq «Barselonoda» ózin erekshe tanyta bildi. Onyń quramynda brazılııalyq Chempıondar lıgasynyń jeńimpazy atandy (2006). Sondaı-aq Eýropadaǵy "Parı Sen-Jermen" jáne "Mılan" komandalarynda da oınady.
2004 jáne 2005 jyldary Ronaldıno Halyqaralyq fýtbol qaýymdastyǵy federatsııasynyń (FIFA) nusqasy boıynsha álemniń úzdik fýtbolshysy atandy. Ol 2002 jyly álem chempıony boldy.
