Ronaldıno Álem chempıonatynda úıin jalǵa bermek
ASTANA. QazAqparat - Brazılııalyq «Atletıko Mıneıro» klýbynyń oıynshysy Ronaldıno Rıo-de-Janeıro qalasyndaǵy úıin Álem chempıonaty kezinde jalǵa berýge sheshim qabyldady. Bul týraly oıynshy Facebook jelisindegi resmı paraqshasynda habarlady, dep jazady kazsporttv.kz.
34 jastaǵy fýtbolshy óz elinde ótetin Álem chempıonatynan tabys tabýdy jón dep sheshken. Alaıda ol oıynshy retinde teńbil dop dodasyna qatysa almaıdy. Fýtbolshynyń paraqshasynda úıdiń sýretteri de jarııalanǵan. Ronaldıno úıin bir táýlikke jalǵa alý úshin 15 myń dollar tóleý qajet. Ronaldıno 2004 jáne 2005 jyldary FIFA nusqasy boıynsha álemniń eń úzdik fýtboshysy atandy. - Ol 2002 jylǵy Álem chempıony. Brazılııa quramasynyń bas bapkeri Lýıs Felıpe Skoları fýtbolshyny óz elinde ótetin chempıonat qatysatyn oıynshylardyń tizimine engizbedi. Aıta keteıik, fýtboldan Álem chempıonaty 12 maýsym men 13 shilde aralyǵynda Brazılııanyń 12 qalasynda ótedi. Toptyq kezeńdegi alań ıeleriniń qarsylasy - Horvatııa, Meksıka jáne Kamerýn. Chempıonattan «Qazaqstan» Ulttyq telearnasy men «KAZsport» telearnasy tikeleı efırden habar taratady.
