Ronaldınıý jol apatyna tústi
ASTANA. QazAqparat - Brazılııa quramasynyń burynǵy oıynshysy Ronaldınıý jol apatyna ushyrady, dep habarlaıdy sheteldik BAQ.
Oqıǵa Portý-Alegrıde oryn alǵan. 35 jastaǵy fýtbolshy kóligin basqara almaı, sonyń saldaryna kólik joldan shyǵyp, búıirine qulady. Fýtbolshynyń ózi zardap shekken joq.
Ronaldınıý - 2005 jyly «Altyn doptyń» ıegeri. FIFA nusqasy boıynsha álemniń úzdik fýtbolshysy (2004, 2005 jyldar).
Brazılııanyń "Gremıo", "Flamengo", "Atletıko Mıneıro", "Flýmınense", frantsııalyq "Parı Sen-Jermen", ıspanııalyq "Barselona", ıtalııalyq "Mılan", meksıkalyq"Keretaro" klýbtarynda oınaǵan.
2015 jyldyń 12 shildesinde «Flýmınensege» ótip, onymen 2016 jylǵa deıin kelisimshart ornatqan. Alaıda 29 qyrkúıekte klýb quramyndaǵy jeti oıynnan keıin onymen taraptardyń kelisimi boıynsha kelisimsharttyń kúshin joıdy.
