«Rompetrol grýpp» Lıvııada burǵylaý jumystaryn jańartýda

dep habarlaıdy «QazMunaıGaz» ulttyq kompanııasynyń baspasóz qyzmeti.

Baspasóz málimetterine qaraǵanda, osy ýaqytta «Reompetrol» kompanııasy Lıvııadaǵy qondyrǵylardy baǵalaý jáne tekserý úshin arnaıy mamandar tobyn jiberdi. Lıvııada saıası jaǵdaı turaqtandy. Osyǵan baılanysty ulttyq kompanııanyń keıbir dástúrli seriktesteri ekonomıkalyq operatsııalaryn bastady, kebireýleri bastaýdy josparlap otyr.

«Bizdiń baǵalaýymyzsha, 2012 jyldyń birinshi toqsanynda «Rompetrol» burǵylaý jumystaryn tolyǵymen jańartady. Kompanııanyń 90 paıyz qondyrǵylary jumysqa jaramdy ekeni bizge belgili. «Rompetrol grýpp» qyzmetkerleri qondyrǵylardy qaıta iske qosýmen birge osy elge qaıtyp oralady.- dep atap ketti Rompetrol SA bas dırektory George Djeordjeský.

Onyń sózinshe, bıylǵy jyldyń aqpan aıynyń sońyna taman Lıvııadaǵy shıelenisterdiń saldarynan kompanııa Lıvııadaǵy óz qyzmetin toqtatý týraly sheshim qabyldap, Trıpolıdi qosqanda 5 nysanda jumys isteıtin 63 qyzmetker (Rýmynııa azamattary) úılerine qaıtqan bolatyn. Osy kezeń ishinde «Rompetrol grýpp» Lıvııanyń qalǵan 100-den astam azamattarynyń eńbekaqysyn tólep, olardyń otbastaryna áleýmettik kómek kórsetti. Búginde «Rompetrol grýpp» quramyndaǵy uńǵymalardy burǵylaý jáne qyzmet kórsetetin bólimshe óz jumysyn Lıvııada 1986 jyly Mýrzýk basseıninde bastady, onda 100 mıllıon barrelden astam qorymen osy óńirdegi eń úlken munaı ken orny ashylǵan bolatyn. Sondaı-aq kompanııa Lıbba jáne Amal bloktarynda jumys istedi.