Romantıkalyq kezdesý syltaýymen jasalǵan alaıaqtyq: Astanada úsh qyz sottaldy
ASTANA. KAZINFORM – Bir top qyz alaıaqtyq júıe uıymdastyryp, tanysý saıttary arqyly jábirlenýshilermen tanysyp, qarym-qatynasty jalǵastyrý úshin jalǵa alynǵan páterde kezdesýdi usynǵan. Bul týraly Astana qalasynyń prokýratýrasy málim etti.
— Keıinnen olar Astana qalasynda páterdi jalǵa berý týraly habarlandyrýlar ornalastyryp jáne tartymdy ıntererdiń fotosýretterin tirkep, aldaǵy ýaqytty birge ótkizý úshin páterdi bir táýlikke jalǵa alýdy usynǵan. Alaıaqtyq áreket nátıjesinde 45-ten astam jábirlenýshi jalpy somasy shamamen 620 myń teńgeni quraıtyn qarajatty jalǵan páter úshin aýdarǵan, — delingen habarlamada.
Aqshalaı qarajatty ıemdengen soń, kináli tulǵalar jábirlenýshilermen hat almasýdy toqtatyp, olardyń nómirlerin buǵattap otyrǵan.
— Sot úkimimen olardyń kináni moıyndaýy jáne materıaldyq zalaldy óteýi eskerilip, úsh qyzǵa 3 jyldan 3 jyl 6 aıǵa deıingi merzimge bas bostandyǵyn shekteý jazasy taǵaıyndalyp, probatsııalyq baqylaý belgilenip, májbúrli eńbekke tartyldy, — dep habarlady qalalyq prokýratýradan.
Úkim zańdy kúshine endi.
Qala prokýratýrasy azamattarǵa ınternet arqyly kelisimder jasaý kezinde saqtyq sharalaryn ustanýdy jáne aqparatty aldyn ala teksermeı aqshalaı qarajat aýdarmaýdy usynady.
Eske sala keteıik, Bas prokýratýra 8 naýryz qarsańynda alaıaqtyq faktileri týraly eskertken bolatyn.
