Roman Sklıar JEO-lardy memleketke qaıtarý týraly: Sheshim aýdıtten keıin qabyldanady
«Shynymen de, ózderińiz biletindeı, Ekibastuz JEO ıeleri ony bir teńgege qaıtaryp berýdi usyndy. Biraq biz ony qandaı kúıde qaıtarǵysy keletinin túsinýimiz kerek. Olar qaǵazda kórsetken búkil qarajat basqa jaqqa emes, osy JEO-ǵa jumsaldy ma? Sonyń bárine muqııat aýdıt jasaý qajet. Kelesi jyldyń birinshi toqsanynda aýdıt júrgizemiz, sodan keıin qaıtarý jóninde sheshim qabyldaımyz», - dedi Roman Sklıar Úkimet otyrysynan keıin ótken brıfıngide.
Sondaı-aq ol Rıdderdegi jaǵdaıǵa toqtaldy.
«Ekibastuzda apat JEO-da emes, jylý jelilerinde bolǵan. JEO qazir qalypty rejımde jumys istep tur, al Rıdderde JEO tolyǵymen toqtap qalǵan edi. Qysqa daıyndyq múldem júrgizilmegen. Qaǵazda bar jóndeý jumystary is júzinde jasalǵan joq. Sondyqtan qazir mundaı nysandar boıynsha muqııat tekserý júrip jatyr – mınıstrlik olardyń jumys isteýi úshin shara qabyldaıdy. Nemese muny olardyń ıesi jasaıdy. Ne olardy kommýnaldyq, respýblıkalyq menshikke berý jóninde sheshim qabyldanady. Onyń formasy, qalaı ótetini sál keıinirek sheshiledi», - depdi vıtse-premer.
