Roman Sklıar ýtılızatsııalyq alym týraly: Qate jasasam, ózim jaýap beremin

NUR-SULTAN. QazAqparat – QR Premer-Mınıstriniń birinshi orynbasary Roman Sklıar Úkimet otyrysynan keıin BAQ ókilderiniń ýtılızatsııalyq alym týraly suraqtaryna jaýap berdi, dep habarlaıdy QazAqparat tilshisi.

«Halyqtyń aldynda ashyq jumys istep jatyrmyn. Eger qate jasasam, jaýap beremin. Biraq búginde biz ne ónerákásibi bar, ne ónerkásibi joq el bolamyz. Meniń sol úshin janym aýyrady. Erteń munaımen kún kóre almaımyz. Búkil álemde munaı bar. Sondyqtan sizderdi osy máselege tereń qaraýǵa shaqyramyn. Barsha qabyldanǵan sheshimder úshin jaýapkershilikti óz moınyma alamyn», - dedi Roman Sklıar.