Roman Sklıar Túrikmenstan Prezıdentimen kelissóz júrgizdi

NUR-SULTAN. QazAqparat - 12 aqpanda Premer-Mınıstrdiń birinshi orynbasary Roman Sklıar Ashhabadqa jumys saparymen baryp, Túrikmenstan Prezıdenti Gýrbangýly Berdimuhamedovpen kelissóz júrgizdi. Bul týraly primeminister.kz/kz saıty habarlady.

2022 jylǵy Túrikmenstan basshysymen kezdesý barysynda eki el arasyndaǵy saýda-ekonomıkalyq, energetıka, aýyl sharýashylyǵy jáne mádenı-gýmanıtarlyq salalaryndaǵy yntymaqtastyqtyń ózekti máseleleri talqylandy.

Qazaqstan Respýblıkasynyń Prezıdenti Qasym-Jomart Toqaevtyń 2021 jylǵy 24-25 qazandaǵy Túrikmenstanǵa memlekettik sapary barysynda qol jetkizilgen ýaǵdalastyqtardy iske asyrýǵa erekshe nazar aýdaryldy.

Sonymen qatar sapar barysynda Roman Sklıar Túrikmenstan Mınıstrler kabıneti tóraǵasynyń orynbasarlary Serdar Berdimuhamedov, Shahym Abdrahmanov jáne Chary Gylydjovpen jeke kelissózder júrgizdi, sondaı-aq ekonomıkalyq yntymaqtastyqty odan ári tereńdetý boıynsha praktıkalyq sharalar jan-jaqty qarastyryldy.