Roman Sklıar sý tasqynyna qarsy mobıldi toptar qurýdy tapsyrdy
ASTANA. KAZINFORM - Premer-Mınıstrdiń birinshi orynbasary Roman Sklıar Soltústik Qazaqstan oblysyndaǵy ınjenerlik ınfraqurylymnyń sý tasqynyna daıyndyǵyn tekserý maqsatynda Petropavl qalasynyń mańyndaǵy birneshe aýyldardy tekserý úshin túngi reıd júrgizdi.
Reıd barysynda Teplıchnoe, Prıbrejnoe aýyldary men Ýşeva kóshesi boıyndaǵy bógetterdi nyǵaıtý jumystarynyń barysy tekserildi.
Roman Sklıar merdiger kompanııalarǵa bógetterdi nyǵaıtý úshin tehnıka kólemin arttyrýdy tapsyryp, ýaqyt az ekenin eske saldy.
«Bizde sanaýly kúnder qaldy, belsendi jumys isteý kerek. Nysandarda júk mashınalary men basqa da tehnıkalar jetkiliksiz, tıegishterdiń sanyn eki esege arttyrý qajet. Sýdyń kóterilý kezeńinde biz aǵymdaǵy jaǵdaıǵa jaýap beretin mobıldi toptar quratyn bolamyz», — dedi Premer-Mınıstrdiń birinshi orynbasary.
