Roman Sklıar «Shell» kompanııasynyń basshylyǵymen kelissóz ótkizdi
ASTANA. KAZINFORM — Búgin Premer-mınıstrdiń birinshi orynbasary Roman Sklıar «Shell» kompanııasynyń barlaý jáne óndirý bóliminiń atqarýshy vıtse-prezıdenti Rıchard Haýmen kezdesý ótkizdi. Bul týraly Úkimet málim etti.
Kezdesý barysynda taraptar ekijaqty yntymaqtastyqtyń qazirgi jaı-kúıi men perspektıvalaryn talqylady. «Shell» kompanııasy Qazaqstannyń munaı-gaz salasyndaǵy iri sheteldik ınvestorlarynyń biri bolyp sanalatyny, sondaı-aq Karashyǵanaq, Qashaǵan jáne KQK sııaqty mańyzdy jobalarǵa qatysatyny atap ótildi.
Taraptar Qarashyǵanaq gaz óńdeý zaýyty jobasyna erekshe nazar aýdardy. Atalǵan joba ÓBK boıynsha Túpkilikti kelisim sharttarynyń sheńberinde júzege asyrylady.
Óz kezeginde «Shell» kompanııasynyń barlaý jáne óndirý bóliminiń atqarýshy vıtse-prezıdenti Rıchard Haý:
— Qazaqstanmen seriktestigimizge 30 jyldan asty. Bul biz úshin erekshe maqtanysh. Men úshin Qazaqstanǵa jańa qyzmettik mártebemde qaıta oralý — úlken qurmet, — dep atap ótti.
Roman Sklıar bul jobanyń strategııalyq mańyzdylyǵyn atap ótip, onyń iske asýyn jedeldetýdiń qajettigin jetkizdi.
Kezdesý qorytyndysynda taraptar uzaq merzimdi ári ózara tıimdi yntymaqtastyqqa nıetti ekenderin rastady.
Eske sala keteıik, buǵan deıin Roman Sklıar Táýelsizdik saraıyndaǵy «Ortalyq Azııa-Qytaı» sammıtiniń kýlýarynda Qytaı kólikteriniń sapasy týraly pikir bildirdi.