Roman Sklıar: Respýblıkalyq joldar ózin-ózi aqtaıtyn tártipte jumys isteıdi
NUR-SULTAN. QazAqparat - QR Parlamenti palatalarynyń birlesken otyrysynda QR Indýstrııa jáne ınfraqurylymdyq damý mınıstri Roman Sklıar Qazaqstandaǵy aqyly joldar boıynsha túsinik berdi, dep habarlaıdy QazAqparat tilshisi.
«Aqyly joldarǵa toqtalsa, 2019 jyldyń qańtarynda biz respýblıkalyq jeliniń úsh ýchaskesinde aqyly tártip engizdik. Osy oraıda «Almaty-Qorǵas», «Nur-Sultan-Temirtaý», «Almaty-Qapshaǵaı» joldary qamtyldy. Olardyń jalpy uzaqtyǵy 471 shaqyrymdy qurady, ıaǵnı budan buryn aqyly negizde jumys istep turǵan «Nur-Sultan-Şýchınsk» jolymen birge 700 shaqyrymǵa jýyqtady. Bul óz kezeginde respýblıkalyq jeliniń 3 paıyzyn (aqyly joldar) qurap otyr», - dedi mınıstr.
Onyń sózine qaraǵanda, 2020 jyly tólem alýdyń ashyq júıesi 5,5 myń shaqyrym ýchaskede engiziledi, sondaı-aq 2021 jyly taǵy da 5,5 myń shaqyrym qamtylady.
«Osy arqyly biz belgilengen kórsetkishterdi oryndaımyz. Bul turǵyda respýblıkalyq jeli ózin-ózi aqtaıtyn tártipte jumys isteıdi», - dedi R. Sklıar.
Budan buryn habarlanǵandaı, Qazaqstannyń aqyly joldarynda saralanǵan tarıf engizilmek.
