Roman Sklıar «Pavlodarenergo» basshysyn jumystan ketirý sebebin túsindirdi

ASTANA. QazAqparat – Premer-Mınıstrdiń birinshi orynbasary Roman Sklıar «Pavlodarenergo» AQ bas dırektory Vadım Lesındi qyzmetinen bosatýǵa qatysty túsinik berdi, dep habarlaıdy QazAqparat tilshisi.

«Pavlodarenergo» basshysyna qatysty aıtatyn bolsam, men aktsıonerlerden onyń qyzmetinen ketýin talap ete alamyn. Osy oraıda, tıisti talapty jetkizdim. Mundaı qadamǵa birqatar másele sebep boldy. Dál qazir olardyń apat saldaryn joıý kezinde qalaı jumys istegeni týrasynda, jaýapkershiligi jaıynda aıtqym kelmeı tur», - dedi R. Sklıar Senattaǵy parlamenttik tyńdaýda.

Eske sala keteıik, jaqynda Roman Sklıar «Pavlodarenergo» AQ bas dırektory Vadım Lesınniń jumysyn qatań synǵa aldy.

Birinshi kezekte Úkimet tóraǵasynyń birinshi orynbasary sońǵy úılerdi jáne jalpy qalany jylýmen jabdyqtaýdy retteý máselesi qalaı sheshiletinin surady. Alaıda, «Pavlodarenergo» AQ bas dırektory jaýaby R. Sklıardyń kóńilinen shyqpady.