Roman Sklıar Pavlodar oblysyndaǵy birqatar kásiporyndardy aralady
PAVLODAR. QazAqparat - QR Indýstrııa jáne ınfraqurylymdyq damý mınıstri Roman Sklıar jumys sapary barysynda Pavlodar oblysyndaǵy birqatar kásiporyndardy aralady, dep habarlaıdy QazAqparat.
Mınıstr barǵan alǵashqy kásiporyn - 2015 jyly iske qosylǵan mys kenin óndirý men baıytý jónindegi uzaq merzimdi strategııalyq joba - «KAZ Minerals Bozshakol» JShS Bozshakól ken-baıytý kombınaty boldy. Bul joba ındýstrııalyq-ınnovatsııalyq damýdyń memlekettik baǵdarlamasy aıasynda iske qosylǵan bolatyn.
Sondaı-aq, Roman Sklıar jumys sapary kezinde eń kóne jáne iri kómir kenishteriniń biri - «Bogatyr Kómir» JShS jumysymen tanysty. Búgingi tańda «Bogatyr» jáne «Soltústik» eki razrezi Qazaqstandaǵy kómir óndirisiniń jalpy kóleminiń 44%-yn quraıdy. Kompanııa tolyq qýatymen jumys isteıdi, 2018 jyly munda shamamen 45 mıllıon tonna kómir óndirildi. Sonymen qatar, ol - aımaqtaǵy eń iri jumys berýshi kásiporyndardyń biri, onda 6,5 myńnan astam adam jumyspen qamtylǵan.
«Qazaqstan temirjol kompanııasy» JShS júk vagondaryn shyǵarady. Qazirgi ýaqytta kompanııa jylyna 2000 jartylaı vagon, 500 jabyq vagon nemese 500 platformasyn shyǵara alady. Mınıstr kompanııa basshylyǵymen, jetkizýshilermen jáne tapsyrys berýshilermen mundaǵy máselelerdiń sheshimin tabý joldaryn talqylady.
