12:50, 17 Qyrkúıek 2023

Roman Sklıar Óskemen jáne Rıdder JEO-larynyń qysqa daıyndyǵymen tanysty

QR Premer-Mınıstriniń birinshi orynbasary Roman Sklıar Shyǵys Qazaqstan oblysyna jumys sapary aıasynda óńir ákimi Ermek Kósherbaevpen birge Óskemen jáne Rıdder JEO-larynda bolyp, jańa jylytý maýsymyna daıyndyq barysymen tanysty, dep habarlaıdy QazAqparat.

Óńirdegi jylý nysandarynda jóndeý jumystary aıaqtalyp, JEO iske qosý-baptaý kezeńine daıyndyq ústinde.

Qazir Rıdder JEO-ny kúrdeli jóndeý boıynsha aýqymdy jumystar júrgizilip jatyr.
Premer-Mınıstrdiń birinshi orynbasaryna Rıdder JEO-da iske qosý-retteý jumystary belgilengen kestege saı júrgizilip jatqany týraly aıtyldy.

№ 1, 2, 3 qazandyq agregattaryn jóndeý aıaqtalýǵa jaqyn, ekrandardyń betteri jınalyp, ornatyldy, bir kún buryn qazandyqtar tazalaý jumystaryn júrgizý úshin sýmen toltyryldy.

Sonymen qatar delegatsııa jumys sapary barysynda Óskemen JEO-ǵa da baryp qaıtty. Munda jóndeý jumystary aldyńǵy jylytý maýsymy aıaqtalǵannan keıin birden bastalǵan edi.

Búgingi tańda stansanyń daıyndyǵy 80%-dan asady, 5 qazandyq agregaty men 8 týrboagregat jóndeýden ótti. Jóndeý jumystarynyń baǵdarlamasy qazan aıyna deıin aıaqtalady.

Shyǵys Qazaqstan oblysy Energetıka QR Úkimeti Úkimet

bez avtora

Avtory