Roman Sklıar orman-dala órtin aldyn alý boıynsha tapsyrmalar berdi
Qazaqstan Respýblıkasy Premer-Mınıstriniń orynbasary Roman Sklıar orman-dala órtteriniń aldyn alý jáne olardy joıý máseleleri boıynsha tapsyrmalar berdi, dep habarlaıdy QazAqparat.
29 sáýirde beınekonferentsııa baılanysy rejıminde Qazaqstan Respýblıkasy Premer-Mınıstriniń orynbasary Roman Sklıardyń jalpy basshylyǵymen Tótenshe jaǵdaılardyń aldyn alý jáne joıý jónindegi vedomstvoaralyq memlekettik komıssııanyń otyrysy ótti. Tótenshe jaǵdaılar mınıstri ıÝrıı Ilınniń tóraǵalyǵymen ótken komıssııa jumysyna ortalyq memlekettik organdardyń basshylary, ákimderdiń orynbasarlary, óńirlerdiń TJD bastyqtary qatysty.
Roman Sklıar azamattardyń ómir qaýipsizdigin qamtamasyz etý, múlikti qorǵaý memlekettiń basym mindeti ekenin atap ótip, kúshter men quraldardyń jedel den qoıýǵa daıyndyǵyn qamtamasyz etýdi, sondaı-aq avıatsııany tartýdy qarastyrýdy tapsyrdy. Múddeli memlekettik organdarǵa ákimdiktermen birlesip tabıǵat qorǵaý jáne orman mekemelerin órt-tehnıkalyq jaraqtarmen jabdyqtaý, orman órt sóndirý stantsııalary men baqylaý munaralaryn salý jónindegi jol kartasyn ázirleý tapsyryldy. Qazirgi órt qaýipti kezeńge qatysty ıÝ. Ilın sany 43 myń adam, 9 myńnan astam tehnıka, sý aǵyzatyn qurylǵylary bar 10 tikushaq jáne iri órt bolǵan jaǵdaıda 46 órt sóndirý poıyzy bar kúshter men quraldardyń daıyndyǵy týraly habarlady. 4 myńnan astam erikti qurylym quryldy. Ákimdikter 400-den astam órt sóndirý beketterin qurdy, olar 1273 eldi mekendi qorǵaýdy qamtamasyz etedi. Qabyldanǵan sharalar týraly ekologııa, geologııa jáne tabıǵı resýrstar vıtse-mınıstri S. Brekeshev, Órtke qarsy qyzmet komıtetiniń tóraǵasy N. Derbisov, birqatar oblys ákimderiniń orynbasarlary baıandady.