Roman Sklıar munaı-gaz hımııasyndaǵy ınvestıtsııalyq kelisimderdi ázirleýdi baqylaýǵa alýdy tapsyrdy

NUR-SULTAN. QazAqparat – Búgin QR Premer-Mınıstriniń orynbasary Roman Sklıar elimizdiń Energetıka mınıstrligine munaı-gaz hımııasyndaǵy ınvestıtsııalyq kelisimderdi ázirleýdi baqylaýǵa alýdy tapsyrdy, dep habarlaıdy QazAqparat tilshisi.

«Úkimettiń keńeıtilgen otyrysynda Memleket basshysy júzege asyrylyp jatqan munaı-gaz hımııasy óndirisin jedeldetý, sonymen qatar áleýetti ınvestorlar úshin tartymdy jaǵdaı jasaý jónindegi is-sharalar qabyldaý mindetin júktegen bolatyn. Osyǵan oraı, bul salasynyń elimiz úshin mańyzdylyǵyn eskere otyryp, 2025 jylǵa deıin munaı-gaz hımııasyn damytý jónindegi ulttyq jobanyń júzege asyrylýyn jáne ınvestıtsııalyq kelisimderdi ázirleýdi baqylaýǵa alýdy ótinemin», - dedi Úkimet basshysynyń orynbasary QR Energetıka mınıstrliginiń keńeıtilgen alqa otyrysynda.