Roman Sklıar men Erlan Turǵymbaev elorda mańyndaǵy sý toraptaryn tekserdi
NUR-SULTAN. QazAqparat - 14 naýryzda QR Premer-Mınıstriniń orynbasary Roman Sklıar men Іshki ister mınıstri Erlan Turǵymbaev astana men Aqmola oblysynyń aýmaqtaryn tikushaqpen aralap shyqty, dep habarlaıdy QazAqparat.
Qosshy, Ilınka, Qajymuqan, Talapker, Qoıandy, Novomarkovka eldi mekenderiniń, Vıacheslav sý qoımasynyń, Astana sý rettegishiniń, sondaı-aq Nura ózeniniń arnasy boıynsha Preobrajensk sý torabynyń qar qoryna aerovızýaldy tekserý júrgizildi.
Ushý barysyna Іshki ister mınıstriniń orynbasary ıÝrıı Ilın, «QazAvtoJol» basshysy Ulan Álipov qatysty.
Kózben sholyp qaraý aýmaqtyń basym bóliginde qar erý protsesi turaqty júrip jatqanyn kórsetti.
Quzyretti qyzmetter jerden de, spýtnıktik zondtaý kómegimen de táýlik boıy monıtorıng júrgizýde.
Іshki ister mınıstrliginiń basshylyǵy Aqmola, Qaraǵandy, Qostanaı, Shyǵys Qazaqstan jáne Soltústik Qazaqstan oblystarynyń jazyq ózenderinde turaqty muz qatýy baıqalatyny, al keptelistiń aldyn alý maqsatynda muzdardy qopsytý boıynsha jarylys jumystary júrgiziletini týraly baıandady.
