Roman Sklıar Koreıa Respýblıkasynyń Qazaqstandaǵy Elshisi Chjo Te-ıkpen kezdesti

ASTANA. KAZINFORM – QR Premer-mınıstriniń birinshi orynbasary Roman Sklıar jáne syrtqy ister mınıstriniń orynbasary Álibek Baqaev Koreıa Respýblıkasynyń Qazaqstandaǵy elshisi Chjo Te-ıkpen kezdesti. Bul týraly Úkimettiń baspasóz qyzmeti habarlady.

Kezdesý barysynda taraptar eki el yntymaqtastyǵynyń aǵymdaǵy máselelerin jáne odan ary damý perspektıvalaryn talqylady.

Sondaı-aq mashına jasaý, aqparattyq tehnologııalar, aýyl sharýashylyǵy jáne t.b. salalardaǵy birlesken ınvestıtsııalyq jobalardyń tabysty iske asyrylǵany atap ótildi.

– Koreıa Respýblıkasymen strategııalyq seriktestigimizdi jáne birlesken jumysymyzdyń nátıjesinde qol jetkizgen jetistikterimizdi joǵary baǵalaımyz. Seriktestigimizdi iske asyrý arqasynda biz jańa jumys oryndaryn quryp, ınnovatsııalardy engizip, óndiristik qýattardy keńeıte aldyq, - dep atap ótti Roman Sklıar.

Óz kezeginde Koreıa Respýblıkasynyń Elshisi Chjo Te-ık Qazaqstan basshylyǵyna qoldaý men yntymaqtastyǵy úshin alǵys aıtyp, ekonomıkanyń ártúrli salalarynda ekitaraly qarym-qatynastardy nyǵaıtýdyń mańyzdylyǵyn atap ótti.

Sonymen qatar Elshi Chjo Te-ık Qazaqstannyń Halyqaralyq atom energııa agenttigine qabyldanýymen quttyqtady.

Dıplomat Qazaqstan ýran salasyndaǵy mańyzdy oıynshy ekenin atap ótip, atom elektr stantsııasyn salýda sáttilik tiledi.

Kezdesý sońynda Roman Sklıar Elshi Chjo Te-ıkke qazaq-koreı qarym-qatynasyn damytýǵa qosylǵan jeke úlesi úshin alǵys aıtty jáne oǵan dıplomatııalyq mansabynda tabys tiledi.

Buǵan deıin Qazaqstan men Aýstrııa saýda-ekonomıkalyq yntymaqtastyqty keńeıtetinin jazǵanbyz.