Roman Sklıar kóktemgi sý tasqyny aldyn alý boıynsha tapsyrma berdi
TJM-niń ótken jylǵy qyzmeti, aldaǵy kezeńge arnalǵan mindetteri týraly TJ mınıstri ıÝrıı Ilın baıandama jasady. Mınıstrliktiń ortalyq apparaty vedomstvolary men qurylymdyq bólimsheleriniń basshylary jedel-qyzmettik is-qımyldyń perspektıvalary, mindetteri men nátıjeleri týraly aqparat berdi.
Alqany qorytyndylaı kele, Roman Sklıar 2020 jyly TJ aldyn alý jáne joıý, halyq pen aýmaqtardy qorǵaý salasynda biryńǵaı memlekettik saıasatty iske asyrý boıynsha aıtarlyqtaı jumys atqarylǵanyn atap ótti. Sonymen qatar, Premer-Mınıstrdiń orynbasary Memleket basshysynyń Qazaqstan halqyna Joldaýynyń, Úkimettiń tabıǵı jáne tehnogendik sıpattaǵy tótenshe jaǵdaılardan halyqtyń ómir súrý qaýipsizdigin qamtamasyz etýge baǵyttalǵan baǵdarlamalyq qujattarynyń mindetterin ýaqtyly oryndaýdyń mańyzdylyǵyn atap ótti. Tótenshe jaǵdaılar mınıstrligine qysqy kezeńniń aıaqtalýyn baqylaýda ustaý jáne qazirdiń ózinde kóktemgi sý tasqyny men órt qaýpi maýsymǵa daıyndyqty bastaý tapsyryldy, óńirlerdegi jumysty taldaý, TJ-ǵa den qoıý salasyndaǵy memlekettik basqarý júıesin jetildirý tetikterin aıqyndaý qajettigi atap ótildi.
2020 jyly qutqarýshylar órt jáne apattyq-qutqarý jumystary boıynsha 70 myńnan astam saparǵa shyǵýdy júzege asyrdy, 14 myń adam qutqaryldy, TJ aımaǵynan 19 myń adam evakýatsııalandy jáne 4 myń zardap shekken adamǵa alǵashqy medıtsınalyq kómek kórsetildi.