Roman Sklıar qytaılyq China Datang Corporation Ltd. kompanııasynyń ókilderimen kezdesti

ASTANA. KAZINFORM — Premer-Mınıstrdiń birinshi orynbasary Roman Sklıar QHR-daǵy elektr energııasyn iri óndirýshilerdiń biri qytaılyq China Datang Corporation Ltd kompanııasy ókilderimen kezdesti.

Kompanııa óz qyzmetin álemniń 10-nan astam elinde, sonyń ishinde Mıanma, Kambodja, Laos, Indonezııa, Ózbekstan jáne Sıngapýrda júzege asyrady. Kompanııanyń óndirýshi nysandarynyń jalpy belgilengen qýaty 190 GVt-tan asady, onyń shamamen 50%-y – jańartylatyn energııa kózderi.

China Datang Corporation Ltd. 14 jyl qatarynan Fortune Global 500 tizimine enip keledi.

Talqylaý barysynda Roman Sklıar Qazaqstan Úkimetiniń energetıka salasyn damytý, onyń ishinde ınvestıtsııa tartý boıynsha júrgizip jatqan jumysy týraly atap ótti.

Elektr jáne jylý energetıkasynda jańa qýattar engizý qajettigine erekshe nazar aýdaryldy.

Sondaı-aq qytaılyq kompanııanyń aralas elektr stansasyn salý jobasyn iske asyrý máseleleri talqylandy.

Sonymen qatar kómir hımııasy salasyndaǵy yntymaqtastyq máseleleri qaraldy.

Keńes qorytyndysy boıynsha memlekettik organdar men uıymdarǵa qytaı korporatsııasy bastamalaryn pysyqtaý boıynsha birqatar tapsyrma berildi.