Roman Sklıar QHR-dyń qurylǵanyna 76 jyl tolýyna arnalǵan qabyldaýǵa qatysty
ASTANA. KAZINFORM – QR Premer-mınıstriniń birinshi orynbasary Roman Sklıar Qytaı Halyq Respýblıkasynyń qurylǵanyna 76 jyl tolýyna oraı QHR-dyń Qazaqstandaǵy Elshiligindegi dıplomatııalyq qabyldaýǵa qatysty. Bul týraly Úkimettiń baspasóz qyzmeti habarlady.
Óz sózinde R.Sklıar Qytaı halqyn aıtýly kúnmen quttyqtap, eki el arasyndaǵy máńgilik jan-jaqty strategııalyq áriptestik rýhynda damyp kele jatqan ózara qatynastardyń joǵary deńgeıin atap ótti.
Vıtse-premer Qazaqstan men Qytaı arasyndaǵy barlyq salalardaǵy yntymaqtastyq eki el kóshbasshylarynyń jeke baılanystarynyń arqasynda belsendi nyǵaıyp kele jatqanyn erekshe atap ótip, bıyl QR Prezıdenti Qasym-Jomart Toqaevtyń Qytaıǵa jáne QHR Tóraǵasy Sı Tszınpınniń Qazaqstanǵa jasaǵan saparlaryna toqtaldy.
Bul saparlar barysynda ekijaqty qatynastardy jańa mazmunmen tolyqtyrýǵa baǵyttalǵan mańyzdy ýaǵdalastyqtarǵa qol jetkizilgenin habarlady.
Aıta keteıik, Úılestirý keńesi «Beıneý-Sekseýil» avtojoly qurylysynyń jobasyn EQDB jáne HQDB-nyń qarjylandyrýyn maquldady.