Roman Sklıar qazaqstandyqtardyń jeke derekteriniń urlanýy týraly pikir bildirdi
ASTANA. KAZINFORM – Premer-mınıstrdiń birinshi orynbasary Roman Sklıar Táýelsizdik saraıyndaǵy «Ortalyq Azııa-Qytaı» sammıtiniń kýlýarynda qazaqstandyqtardyń jeke derekteriniń urlanýy týraly pikir bildirdi.
- Keshe ol týraly estidim. Al ózimniń jeke derekterimniń urlanǵanyn qalaı tekserý kerektigin bilmeımin. Búgin Tsıfrlyq damý mınıstrligi munyń sebepterin anyqtaý úshin tyńǵylyqty tekserý júrgizetini týraly baspasóz relızin shyǵaryp, qorytyndylaryn jarııalaýǵa ýáde berdi. Bul buryn urlanǵan derekter me, jańa fakt tirkelip otyr ma, zardaby qandaı ekenin sol kezde bilemiz, - dedi ol.
Aıtýynsha, mamandar urlandy delingen derekterdiń mańyzdylyq sıpatyna da mán bermek.
- Eger alaıaqtyqqa jol ashýǵa múmkindik beretin qupııa derekter urlanǵan bolsa, sáıkesinshe shara qoldanylady, - dedi Roman Sklıar.
Eske salsaq, keshe «Qazaqstan turǵyndary 2024» ataýymen tirkelgen jańa aýqymdy derekqordyń ınternet keńistigine taraǵany anyqtalǵan bolatyn.
Osyǵan deıin jeke derekterdiń taralýyna qatysty tekserý júrgizilip jatqany týraly jazdyq.