Roman Sklıar «KamAZ» zaýytynyń 50 jyldyǵyna arnalǵan saltanatty is-sharaǵa qatysty
NABEREJNYE ChELNY. QazAqparat - Merekelik is-shara Tatarstannyń Naberejnye Chelny qalasynda Reseı Federatsııasynyń basshysy Vladımır Pýtınniń, kásiporyn basshylyǵynyń jáne eńbek ujymy músheleriniń qatysýymen ótti, dep habarlaıdy primeminister.kz.
Premer-Mınıstrdiń orynbasary quttyqtaý sózinde osy mereıtoı myńdaǵan adam eńbek etetin Kamsk avtomobıl zaýyty ujymynyń merekesi, al ótken 50 jyl ónerkásip gıgantyn joǵary sapa men minsiz bedelge ákelgen jol dep atap ótti.
Qazaqstan qazirgi tańda mashına jasaý máselesiniń damýyna úlken kóńil aýdarady, al salanyń basymdyqtary ındýstrıaldyq damýdyń memlekettik baǵdarlamalarynda kórinis tapty.
Kezdesý barysynda Qazaqstan Respýblıkasynyń Úkimeti men «KamAZ» BAQ arasynda ınvestıtsııalyq jobalardy iske asyrý týraly kelisimge qol qoıyldy, ol Qazaqstannyń mashına jasaý ındýstrııasynyń odan ári damýyn kózdeıdi. Investıtsııalyq qyzmet obektisi retinde júk avtomobılderine arnalǵan jetekshi mosttar men shoıyn quıý óndirisine ınvestıtsııalar bolady.
Sondaı-aq, jumys sapary barysynda Roman Sklıar «KamAZ» BAQ-tyń birqatar uıymdary men kásiporyndaryna baryp, olardyń qyzmetterimen tanysty.
